Carlos Peñaren marka saiakera berria (TOLOSALDEKO ATARIA)

Carlos Peñaren marka saiakera berria

 KIROLA  TOLOSA
Munduko errekor bat hausten saiatuko da Carlos Peña igerilari tolosarra, hilaren 20an, Donostiako Urumea ibaian. Betaurreko berezi batzuekin arituko da, erretinosi pigmentario gaitzaren aurkako borrokan diharduen eragile bati laguntzeko.
Carlos Peñaren marka saiakera berria
Carlos Peña Tolosako Oria ibaian, 2016an. |  Ikusi handiago |  Argazki originala
Carlos Peña igerilari tolosarrak, erronka berri bati egingo dio aurre hilaren 20an, astelehena, Urumea ibaian. Bertan, munduko errekor bat hausten saiatuko da. Izan ere, 24 orduz, eta geratu gabe, Gipuzkoako hiriburua zeharkatzen duen ur emarian egin beharko du igeri, eta kasu honetan, gainera, ikusmena apur bat galduta arituko da.
Irabazi asmorik gabeko DameTVision kultur elkarteari eskainiko dio proba Peñak. Eragile honek, erretinosi pigmentarioaren aurkako borrokan dihardu. Gaitz larri honek, ikusmena guztiz galtzeko arriskua ekar dezake. Hori dela eta, Carlos Peñak ere borroka horrekin bat egitea erabaki du, erronka berri honetan, ikusmen urritasuna duten pertsonen azalean jarriz.
Hori dela eta, betaurreko berezi batzuekin egingo du igeri tolosarrak, ekintza honetarako bereziki moldatuak izan direnak. Beti izan duen ikuspegia, ordea, erabat aldatuko zaio, ezingo baitu ia ezer ikusi (oso gutxi behintzat), eta gaitz honek eragin ditzakeen ondorioak sufritzeko arriskua izango du. Errekor saiakera berri hau, lehen aipatu bezala, Urumea ibaian izango da, abuztuaren 20an, eta irteera puntua Ur Kirolak Arraun Klubean ezarri dute. Hasiera ordua aurrerago zehaztuko da.

Comentarios

Entradas populares de este blog